Ўзбекистон Республикаси энергетика вазирининг биринчи ўринбосари - “Ўзатом” агентлигининг директори Ж.Мирзамахмудов 2020й. 9 сентябрда бўлиб ўтган Бутун жаҳон ядро ассоциациясининг (World Nuclear Association) стратегик онлайн форумида иштирок этди.

Бош қароргоҳи Лондон шаҳрида бўлган Бутун жаҳон ядро ассоциациясининг таклифига кўра, 2020й. 9 сентябрь куни Ўзбекистон Республикаси энергетика вазирининг биринчи ўринбосари - “Ўзатом” агентлигининг директори Ж.Мирзамахмудов 2020й. 9 сентябрда бўлиб ўтган Бутун жаҳон ядро ассоциациясининг (World Nuclear Association) стратегик онлайн форумида иштирок этди.

Ўзбекистон вакилининг нутқи “Атом энергитикаси ёрдамида кучли ва экологик жиҳатдан тоза келажак қуриш” номли форумнинг 1-ялпи мажлиси доирасида ташкил этилди. Тадбирда шунингдек, Халқаро атом энергетикаси агентлиги (IAEA) бош директори Рафаэль Мариано Гросси, Бутун жаҳон ядро ассоциациясининг (WNA) бош директори Агнета Ризинг, БМТ Европа иқтисодий комиссияси Барқарор энергетика бўлими (UNECE) Скотт Фостер, Иқтисодий ҳамкорлик ва тараққиёт ташкилотининг (OECD) атом энергетикаси бўйича агентлиги директори Уильям Мэгвуд иштирок этдилар.

Тадбир иштирокчиларига Ўзбекистоннинг барқарор ва узоқ муддатли иқтисодий ўсишини таъминлашга, унинг илмий салоҳиятини мустаҳкамлашга катта ҳисса қўша оладиган муқобил, авваламбор, атом энергетикасини ривожлантириш бўйича амалий қадамлар, иқлим ўзгаришларига қарши курашиш борасидаги, жумладан атмосферага заҳарли парник газларининг (кабонат ангидрид) чиқишини кескин камайтириш бўйича ўз зиммасига олган халқаро мажбуриятлари ҳақида батафсил маълумот берилди.  

Атом энергетикаси объектлари билан ишлаш бўйича илмий ва технологик тажрибага эга бўлишга қарамасдан, Ўзбекистон IAEA,WNA каби халқаро ташкилотлар ва етакчи давлатлар билан юқори хавфсизлик стандартларини таъминлаш соҳасида яқин ва мунтазам равишда ўзаро ҳамкорлик қилишга қатъий интилади.