Мабодо, Сиз ёки Сиз таниган бошқа Ўзбекистон фуқароси тасдиқланган коронавирус диагнози билан Буюк Британиядаги шифохонага тушса, бу ҳақда Элчихонага ўзингиз ёки шифохона ходимлари орқали дарҳол хабар беришингизни сўраймиз.
Британиядан Ўзбекистон фуқароларини олиб кетиш учун келадиган чартер рейс куни тўғрисида ҳозирча янги маълумот йўқ. Мабодо янгиликлар бўлса, бу борада оммавий ахборот воситалари, расмий вебсайтлар ва телеграм каналлар ҳамда Элчихона ва “Ўзбекистон хаво йўллари”нинг Лондондаги ваколатхонаси сайти ва ижтимоий тармоқлардаги саҳифаларида ўз вақтида хабар берилади. Ушбу телеграм каналда ҳам хабар берамиз.
COVID-19 коронавирусининг мамлакатимиз ҳудудига тарқалишини олдини олиш мақсадида Республика махсус комиссиясининг қарорига асосан, 2020 йилнинг 16 мартидан бошлаб Ўзбекистоннинг хорижий давлатлар билан барча халқаро авиа, авто ва темир йўл қатновлари вақтинча бекор қилинди.
Dunyoda COVID-19 koronavirusi bilan bog‘liq holatning og‘irlashishi, Jahon sog‘liqni saqlash tashkiloti tomonidan pandemiyaning e’lon qilinishi munosabati bilan va uning mamlakatimiz hududiga kirib kelishining oldini olish maqsadida O‘zbekiston Respublikasiga koronavirusning kirib kelishi va tarqalishining oldini olish bo‘yicha chora-tadbirlar dasturini tayyorlash bo‘yicha respublika maxsus komissiyasi qaror qildi.
Ўзбекистон Республикаси Бош давлат санитария врачининг 2020 йил 27 февралдаги 2-сонли Қарорига мувофиқ “Ўзбекистон Республикасига коронавирус “COVID-19” касаллигининг кириб келиши ва тарқалишини олдини олиш бўйича амалга ошириладиган ҳаракатлар алгоритмига асосан жорий этиладиган Тартиб” ишлаб чиқилди.
Yevropa ittifoqining rasman bildirishicha, Buyuk Britaniyaning YI tarkibidan chiqishi munosabati bilan Yevroittifoq qonunchiligi hamda uchinchi davlatlar bilan tuzilgan xalqaro shartnomalar Buyuk Britaniyaga nisbatan o‘tish davri mobaynida (2020-yilning 1-fevralidan 31-dekabrigacha) avvalgidek kuchda qoladi.
